葉璇被拍檔呃60萬人仔

最近葉璇與王寶強合作投資內地網劇，她身兼演員與編劇，透露近年很多時都是自己編劇，成為編劇家協會會員已有六、七年，王寶強看到她這個劇本，十分喜歡，提議合作投資，雙方認識十多年，當年拍電影《火龍》等多部作品而稔熟，她大讚對方：「記得當年請大家一齊嚟我屋企食飯，我炒碟豆，放錯好多鹽，佢仲話好食好食，就知佢個人EQ好高，依家成熟咗，好有智慧。」

今次網劇以紀律部隊為題材，她說：「自己受香港電視劇影響好深，《陀槍師姐》、《刑偵》系列陪住長大，我又好喜歡古代俠義故事，我有英雄情意結。」就因為這副俠義心腸，葉璇曾遭搵笨，她試過向一位相處短短個多月的劇中拍檔，借出60萬人民幣給對方應急，後來發現是騙局，她與其他債主告上法庭追討。

講個「信」字 唔寫欠單

雖然被騙，但無損其「信心」，依然繼續借錢給別人，她豪氣地說：「我追番啲錢，都冇損失，反而因為咁多咗啲朋友，點解唔借呀？」就算經過這次教訓，她始終認為：「誠信最緊要，即使有人問我借錢，好多時我都冇要求人哋寫欠單。」

這份信心延伸至工作上，她說：「我依家拍劇好多時都冇要求人哋簽約，情況等同結婚，我唔相信多張紙就會安心囉！如果遇上小人簽約都冇用，開劇如火如荼打緊仗，唔通去告佢咩？」