葉文輝完騷放肆造人
歌手兼DJ葉文輝（啤梨）前晚在旺角麥花臣場館舉行入行20周年演唱會，獲太太Michelle、鄧健泓及太太石詠莉等撐場。前晚嘉賓包括方皓玟、薛家燕、龍小菌及羅力威等，羅力威上台伴奏，啤梨唱出送給已故媽媽的《從未忘記》，一度喊到唱不下去。開騷日是已故巨星哥哥張國榮的生忌，啤梨唱出哥哥的《風繼續吹》及《想你》致敬。
受訪時被問到太太怎樣支持他？啤梨笑言：「佢畀咗好多空間我，我哋結婚後，返到屋企實會傾偈，但我哋呢排好少傾偈，我要背稿，其實佢都唔慣要忍口。」他又自爆日前整親背脊肌肉，幸獲太太按摩。自言完騷後不會放肆狂食的他，被問可會放肆與太太「造人」？他笑言：「完騷大家可以溝通番。」
