歐詠怡索爆玉兔冰皮月餅蒸熱食
宅男女神歐詠怡（WingWing）趁中秋佳節化身索爆玉兔跟粉絲分享難忘回憶，又大玩Gimmick挑戰熱食冰皮月餅，原來別有一番味道。
樣靚身材正的WingWing，除了模特兒工作，今年開始嘗試做YouTuber，拍片跟粉絲分享生活，早前她到台灣拍攝遊記，又跟姊妹歐詠珊及歐詠寶玩Game，短片吸引逾萬次點擊，成績不俗。
最愛嫲嫲紙燈籠
她趁中秋節化身低胸索爆玉兔拍片，甜笑單眼派心心，賣萌冧暈一班宅男！片中WingWing分享中秋難忘事，指小時候一定會探望祖父母，有次因頑皮周圍走，結果跌落農田的坑洞嚇到爆喊，又指每年中秋都很掛念已故嫲嫲：「細個嗰陣嫲嫲買好多紙燈籠畀我哋玩，所以我都係鍾意傳統紙燈籠多過電燈籠，但自從嫲嫲過身，已經比較少慶祝中秋。」
感性的她亦展現搞笑一面，一度將斬桂樹的吳剛講成金剛，又跟網友玩猜燈謎，連愛犬「朱古力」都出鏡，人狗齊齊Happy！
朱古力爆漿而出
WingWing更大玩Gimmick，挑戰蒸熱冰皮月餅來吃，並分享「蒸皮月餅」食後感，皺晒眉的她指藍莓芝士味的餅皮煙韌猶如「水晶包」，別有一番風味，又指朱古力冰皮熱食時會變「心太軟」，朱古力爆漿而出！雖然口裏給正評，但又笑言會留給家人品嘗，「美味」程度可想而知。網友大讚她索爆又有諗頭，期待她再拍新片。