李靖筠恨升Cup 許靖韻被爆偷食
「英皇三小花」許靖韻、曾樂彤及李靖筠昨日到新城電台，為主持的節目錄音。問到可會互爆秘密？曾樂彤笑言掌握不少許靖韻的「痛腳」，並大爆對方曾「偷食」：「佢偷食月餅同珍珠奶茶，因為佢出碟要減肥。」之後二人聯手爆李靖筠想豐胸，李靖筠即尷尬承認除了按摩、着功能內衣外，更曾食豐胸糖：「食完真係大咗少少，但之後就冇咗。」
提到曾樂彤日前被拍得約會大隻仔，還一齊逼港鐵，她澄清對方只是師弟、攝影師：「我哋冇乜嘢，師弟有同番我講，影得佢幾靚仔。」問到男友游學修知否她與師弟出街？她即口窒窒說：「我平時好少出街，要出街都係做嘢，所以好少向人交代。」即被許靖韻取笑：「我都係第一次見你口震。」曾樂彤自嘲：「我講少啲嘢就當幫忙，好驚講錯嘢。」