蔡一鳳爆 6億欠債者 身份月底揭盅
名媛蔡一鳳昨日出席義工活動，提到日前她在社交網爆一名「知名女星的丈夫」，至今連本帶利欠債近6億，她稱對方「潛水」冇回應：「呢啲都係交畀律師處理，今年年頭已經入稟法庭，但佢一直避開現身，又拒絕收律師信，律師專登7月寄過去新加坡畀佢，佢收咗，所以9月30號佢一定要出庭應訊。」
問到對方身份時，她即封口：「唔方便開佢個名。（知名女星仲活躍喺娛樂圈？）仲好活躍。（佢老公係圈中人？）一半圈內、一半圈外，兩公婆都有知名度。（有合作過？）冇，就算我唔開佢名，9月30號之後都會知，老公好支持告到底。」