譚坤倫武出少林
現年28歲的無綫藝人譚坤倫（Alan），入行八年演過無數綠葉角色，早前在劇集《包青天再起風雲》中飾演「開封七子」的馬漢，武打戲甚有功架，引起觀眾注目。
身懷好本領的他自小學六年級便遠赴嵩山少林寺中心武術學校修煉武功，Alan直言相當刻苦：「朝早五點天未光就跑步，之後就要開始操練，跟住上武術堂，如果做得唔好，係會有體罰！例如一班人一齊跑步，但其中一個唔齊嘅話，全部趴低每人一棍。爸爸當時含淚目送，而且一年先見得屋企人一次，所以我成日匿喺被竇入面喊。」
Alan曾是145磅的潺仔，現時搖身一變爆肌男，坦言受到張家輝的激勵：「當時喺戲院見到張家輝好型，令我的起心肝去做Gym，一個月去足廿幾日，持續四年，終於有成果。嗰時拍《包青天》有特別增磅，最高峰有180磅。」
場地：榮拳館Bomber Gym