最佳禮物！袁詠儀獲囝囝陪瞓

剛踏入48歲的藝人袁詠儀（靚靚）昨日與蘇永康、蔡一智等出席活動，她透露近日與老公張智霖遊日本，看中一件魚的藝術拍賣品，最後花了數萬港元買下，她笑說：「我不斷撞老公隻手叫佢舉，其實冇乜人爭，搞到佢好似傻佬咁。（生日有冇收到名牌包包？）係日本寄嚟嘅藝術品，我開始學睇藝術品，唔係淨係包嘅。」她指兒子魔童以「同睡一晚」及生日祝福作為禮物，令她甜在心頭。