陳約臨踩過界主播變設計師
藝人陳約臨（Kelly）於2016年代表香港參加國際小姐競選，為港爭光勇奪「亞洲皇后」，隨即開展演藝事業。雖然並非無綫「親生女」，但依然機會多多，擔任無綫娛樂新聞台主播外，還有主持節目，幕前經驗相當豐富。
似混血兒有着數
入行短短兩年多，Kelly已經有機會到米蘭及巴黎時裝周採訪，令她大開眼界：「好開心可以帶大家睇吓啲大明星同埋時裝！我本身好鍾意做主持，覺得好有挑戰性。」外表「鬼鬼哋」的她，經常被誤會是混血兒，但其實是百分百港女：「好多人以為我係外國回流返嚟，我有時都唔記得自己係土生土長嘅香港人！（偽混血兒身份係咪多啲Job？）我好鍾意美國文化，細個嘅時候英文唔叻，但又好鍾意聽英文歌，受嗰邊嘅文化影響，可能着衫打扮都似歐美嗰邊，覺得幫助咗唔少。」
經常到時裝周欣賞靚人靚衫，促使Kelly近期踩入時裝界，擔任設計師創立個人運動服裝品牌，她說：「成日去時裝周，又好鍾意做運動，嚟緊我都會有自己嘅Collection做運動裝，籌備過程好好玩。（一手一腳搞？）係呀！我參考好多歐美嘅運動裝，係由我設計，暫時喺網上賣為主，之後可能有啲Pop up store。」
