藝人梁芷珮（Christy）經常在節目中大騷美好身段，原來已經是三子女之母，自言是隨意媽媽的她，坦言不會管束及強迫子女學習，大家以朋友方式相處，讓他們有個快樂童年。
Christy憑旅遊節目《潮什麼》系列闖出名堂，外表似足少女的她，原來已是三子女之母，分別育有大仔Brendan、二仔Duncan及幼女Kasey，Christy指平時愛與小朋友多互動及活動，因Brendan是高爾夫球港隊成員之一，故一家人活動以打高爾夫球為主。
講到育兒心得，Christy自言是個隨性媽媽，不會強迫子女學習，給予很大的自由度：「無論係功課定出去學嘢，我都會由佢哋鍾意點就點，反而我覺得咁樣係好，因為有啲媽媽會好緊張，話一定要食呢樣嘢，一定要去睇醫生，我完全冇呢啲嘢，So Far我啲小朋友，讀書成績唔錯，身體尚算健康。」
三位小朋友共同成長，少不免會吵架，她自言有一套獨有調解心得：「如果佢哋三個一齊鬧交嘅時候，我就會用一件大T恤笠住佢哋三個，等佢哋攬實晒，過5分鐘，佢哋就唔會嘈，冇嘢，呢個係個幾好嘅方法，我試過幾次都OK。」
1.多與子女溝通，聆聽他們的心意
2.不要過分緊張，給予自由度
3.不要過分管束子女