招募「成年BTS」成員 陳奐仁騷肌撩城城跳唱
「弦音教父」陳奐仁前晚舉行演唱會，中段換上運動裝束連唱3首快歌，先有4名健碩的健身教練即場撕衫「伴操」，最後陳奐仁都唔輸蝕拉開上衣大騷腹肌，再脫去外套露出結實麒麟臂。隨之而來有4名着牛仔熱褲的女Dancer上台，跟他大跳火辣貼身舞，令全場氣氛高漲！其後他邀請嘉賓「視帝」黎耀祥上台，大讚對方演技超班。
騷後問到為何全場Fans大嗌「除衫」亦不為所動？他即刻拉開拉鏈大騷朱古力腹肌「反擊」，被記者笑說：「依家先除冇用啦！」他解釋：「有教練喺度會怕醜！」又大爆排舞導師有意組跳舞男團「成年BTS」，現時要招募成員：「如果有興趣可以打畀我，幾多人都得，好似足球隊咁。自己都想轉型做跳唱歌手，唔知會唔會有一日郭生（郭富城）肯同我一齊跳。」
