藝人林凱恩（Iris）憑處境劇《愛．回家之開心速遞》乖乖女「Bonnie」一角入屋，日前她於新劇《她。她。她的少女時代》中突然性感大解放，以超低胸晚裝裙上陣大晒深坑事業線，上演飲醉被「執屍」一幕，即引起網民熱議，更封她為新一代無綫「咪神」！
Iris接受本報訪問，笑言不敢當「咪神」：「唔敢當，我係細路女嚟咋，身材勁過我嘅大有人在，如果我係咪神，都只係笑咪咪嗰隻咪。（日後再行性感？）可一不可再，我唔想大家睇到咁肥膩嘅嘢。（考慮拍《3日2夜》？）我會盡量着潛水衣，我唔係一個賣弄性感嘅人，只係份人感性啫！」續指以往比較保守，故今次激罕晒線，回響才這樣大，又大爆拍攝時因太性感惹來中年男士拍照騷擾，幸得工作人員保護。
另外，劇中飾演田蕊妮少女版的藝人區明妙亦獲網友讚演技出色。現年18歲的她曾飾演滕麗名及陳瀅少女版，於2017年客串劇集《親親我好媽》時因外表出眾被封「港版周子瑜」。她是香港女子組合Honey Bees的成員之一，與韓團CLC香港成員莊錠欣分屬同門師姐妹，而她私下打扮愛走韓系路線。