宣揚反家暴陳昭昭心痛到喊

藝人陳昭昭最近為東華三院芷若園拍攝一輯關於反家庭暴力的宣傳片，片中飾演一名由內地來港的新移民，生活在老公家暴及性暴力陰影下，仍堅強、努力地守護兒子，劇情感人！

昭昭直言今次演媽咪角色挑戰很大，苦情戲更喊出真眼淚：「同做我囝囝嘅小演員做對手戲嘅時候，我不斷幻想自己真係做咗呢個細路嘅媽咪，當見到個仔被有暴力傾向嘅老公毒打，傷痕纍纍，我真係喊咗出嚟！」她希望透過短片，令大家知道一些女新移民的苦況，並帶出家暴會造成巨大的傷害。