李司棋馬國做業主帶親友「睇辦」
藝人李司棋日前獲一班好友為她預祝生日，農曆八月十三日生日的她，特意預備了一批印有其肖像的月餅，並自攜一支出廠85年、自己亦珍藏了50年的白蘭地到場，與好友分享。談到生日願望，她希望日子和平安定，老朋友多聚多吃多笑，大家健康快樂地生活：「今年生日都會同家人食飯慶祝，亦有可能出外旅遊，依家籌備緊同家人及朋友去馬來西亞。」
原來李司棋早前在馬來西亞置業做業主，但她謙虛表示只是面積細的單位：「啲朋友都話想參觀吓我個單位，同埋睇吓周邊環境同配套。如果適合，佢哋都有可能喺附近置業，咁到時大家做埋鄰居就最好嘞，可以有個照應，多啲時間聚吓，咁就最開心不過。」
