黃智雯幫朋友 全天候監視人夫

藝人黃智雯、黎諾懿與吳業坤等，昨日宣傳無綫新劇《街坊財爺》，諾懿笑言太太李潔瑩與智雯是同屆港姐，故十分熟落：「依家同我合作嘅女藝人，好多都係我老婆啲朋友，我好似全天候被監視。今次都有撩吓姜麗文傾偈，好彩智雯冇爆畀我老婆知。」提到二人有咀戲，拍攝時可會尷尬？智雯笑言：「又唔係好多咀戲。」諾懿即說：「就係唔多，所以有遺憾。」並讚黃智雯戲裏戲外都抵錫：「邊個娶到佢就有福。」
黃智雯被讚係好女仔，邊個娶到佢就有福。
黃智雯被讚係好女仔，邊個娶到佢就有福。

坤坤搵女拍床戲

至於坤坤自爆螢幕初吻獻給姜麗文：「佢話幾正，讚我嘴唇好軟，不過就NG咗10次。」問到是否刻意NG？他笑言：「可能係佢特登呢！大家都將我當日萬歲請飲嘢同NG聯想埋一齊。」又笑言拍完咀戲覺得「大個仔」，希望下次挑戰床戲。問到最想與哪位女藝人「肉搏」？他說：「我經驗唔多，最好搵個主動啲嘅女仔帶住我。之前見張振朗同李佳芯喺《踩過界》嘅激情戲，即刻有反應……打電話畀振朗讚佢。」

黎諾懿與黃智雯不多咀戲。
  • 黎諾懿與黃智雯不多咀戲。
吳業坤不介意演情慾戲。
  • 吳業坤不介意演情慾戲。