傳戀TB心急洗底 姚懿芠失言：我好正常！

姚懿芠否認同性戀，並強調沒有扮有錢人。

港姐10強佳麗昨日錄影J2台節目《姊妹淘》，大談護膚心得。節目主持莊思敏、王子涵、張寶兒及陳詩欣等即場投票揀至愛佳麗，結果陳熙蕊獲最多票數。

與陳熙蕊同居

是非不絕的姚懿芠，對於被指曾與街頭女歌手Judas拍拖，她矢口否認：「我哋係朋友，好Close嘅朋友，之前亦係同學，佢係大我幾屆既學姐。」提到不斷被爆廣收「女兵」兼曾與TB拍拖，心急洗底的她說：「我呢，就好正常。死啦！你哋咁寫，我點搵男朋友？（傳你讀中學時匿埋廁所食煙同欺凌同學。）冇呀，我都唔食煙！不過我啲朋友有食，唔知係咪咁引起誤會。（估到邊個放料？）真係估唔到，啲相可以喺我Instagram搵到。我之前有拍拖，兩、三次都係男仔。（爆料者話你扮有錢人，住九龍塘同有三個工人。）假啦，我都想有三個工人。我原本住屯門，但為咗方便，最近搬咗去陳熙蕊度住，會唔會又話我同陳熙蕊（一齊）？避吓嫌先。」

黃嘉雯自稱中學時非常怕醜。	陳熙蕊被讚有親和力及不怯場。	新加入節目的張寶兒（左），跟「元老」莊思敏學主持技巧。

另一新聞女王黃嘉雯被指「姣精」及懷疑中學時隆胸，她強調身材真材實料：「真係好搞笑，原來未夠18歲都可以去做隆胸手術，我好滿意媽咪畀我嘅身材。（邊個中傷你？）唔知，以前讀書時，着樽領校服，我身材係點，啲人唔清楚。（話你係姣精？）呢樣更冤枉，我中學時冇拍過拖，好怕醜，係一個薯仔，都有少少後悔讀書冇拍拖。」