泳兒搭巴士飛甩Nude Bra
歌手泳兒昨日宣布將於10月16日假九展Star Hall舉行《重新感應泳兒演唱會》，講到生日當天開騷，她笑言是經過擇日：「本身想11月，但因為檔期問題，就揀咗呢日，自己都好開心，有藉口叫朋友買飛，送呢份生日禮物畀我。（同唔到男友慶祝？）佢要陪我開工，負責我嘅髮型。」
她透露會重新編排舞蹈，與東莞的演出不一樣，至於戰衣部分，她表示靚之餘，安全都很重要，又自爆不想重蹈覆轍：「我係好大汗嘅人，多汗就搞到啲膠紙唔黐，我又唔可以着冇帶內衣，驚跳跳吓唔見咗啲嘢！之前試過！喺巴士成個Nude Bra跌咗出嚟！發現到前面輕鬆咗咁！（但你之前預告會性感。）性感唔等於少布，露腳都得，今次啲衫係度身訂造。（會挑戰泳衣款開高衩？）唔走光就得，我都夠膽着。」