克服弱點陳偉琪鬧交冇難度

藝人陳偉琪（Vicky）擁34E驕人上圍，但亦成為其演藝工作上的絆腳石，經常飾演賣弄身材的角色，她坦言：「條路唔係我揀，新人唔會推嘢做，有咩角色都會接，曾經有放棄同沮喪嘅時候。我花嘅時間要比其他人多10倍，因為好多人覺得我所有嘢，都係靠身材而得來。」
陳偉琪
陳偉琪

Vicky很開心憑處境劇《愛．回家之開心速遞》「細龍太」一角入屋，不用刻意騷身材。她笑言「細龍太」最擅長鬧人，但現實中是她弱項：「我完全唔識鬧交，經過長時間練習，依家先可以一輪嘴鬧人。」早前參加「WCOPA」世界表演藝術錦標賽的她，有意拍片解答學習豎琴的疑難，最近亦獲不少人邀請表演豎琴。

場地：馬鞍山新港城中心

陳偉琪彈奏豎琴出色。
  • 陳偉琪彈奏豎琴出色。