善心有所屬震住搵古天樂
陳瀅原來早已心有所「屬」，更想跟這位圈中公認的型男偶像去做一件事，到底這位「幸運兒」是誰？陳瀅說：「佢就係古天樂，我想同佢去做探訪，知道佢為人熱愛行善，呢方面都影響我，我有同公司講，今年想做多啲慈善嘢。」
她直言一向欣賞古仔，指他對香港影壇超有熱誠：「佢依家係演藝人協會會長，感受到佢希望香港影業做得更好，又低調做好多慈善嘢。」月前陳瀅獲邀擔任演藝人協會活動司儀，難得與古仔同場，她竟然求經理人「搭路」跟對方合照：「因為同佢影相要排隊o架！之後佢真係肯同我合照，嗰陣我勁開心，成個人震晒，差啲喊出嚟添。」
