過度信任未必好 陳凱詠爆男友出軌
環球新人陳凱詠昨日現身電台宣傳新歌《想正常》，是前作《想突然》的二部曲：「新歌講關係出現摩擦，其實係可以放鬆啲退後一步，唔好刻意去諗啲問題。」自稱單身的她表示昔日拍拖會「哲學家」上身：「會諗啲冇答案嘅嘢，例如咩叫愛、點樣相處。（唔係諗男方出軌？）呢樣反而冇諗，因為好信任對方，過分相信到試過佢出軌都唔知，分手嗰刻仲覺得係自己錯，直到見到佢拖住另一個女仔出街先信，好Hurt！」
講到今次出快歌，有舞蹈底子的她可大展身手，但她表示未試過邊唱邊跳：「平時跳舞慣咗好大力，依家就要加強練習。（想做跳唱歌手？）鍾意跳舞，但唔想咁快定型。」她又指最近為ViuTV的處境喜劇《娛樂風雲》拍攝，並會為該劇唱主題曲。