湯洛雯求「解降」：未有發展對象！
藝人湯洛雯（靚湯）昨日聯同森美為無綫新節目《長命不老》做嘉賓，黎諾懿、麥美恩、鄧佩儀、黃庭鋒、許文軒和戴祖儀任節目主持，以健康資訊為主。問到靚湯是否分享面對「不瘦降」的減肥血淚史？她笑說：「現實生活係努力『解降』中，可能隨住年紀大，以前細個一個月就可以減10磅，依家就要好講恒心，加上新陳代謝慢，係難咗好多，做呢行係要Keep，夏天又好難呃人呢！」早前她跟高海寧玩空中瑜伽，玩完周身痛，但會繼續玩。
問到今年可有着過比堅尼？她笑說：「今年有着過一次，但外面都着咗件網衫。」未有信心？她說：「上年同妹妹一齊着比堅尼影相，嗰時狀態係好啲，再影要等下年啦！」她又謂和高海寧及莊思明開了一個名為「興趣班小組」的群組，打算學策騎和溜冰。講到群女仔堆很難識男朋友，她笑說：「我都有識新朋友，但未有發展對象，唔強求，我都好享受一個人嘅生活。」
