莊思敏踩過界變移民救兵

來自馬來西亞的莊思敏,近日成為朋友心目中的「移民救兵」,自爆有十多位友人向她請教有關移民當地的問題,其中包括圈中人,她笑言要朋友請食飯當作酬勞。

藝人莊思敏前日在社交網發文:「好多人問我關於移民馬來西亞嘅問題,不如你WhatsApp我啦!」事後她受訪時表示可能受近日香港社會事件影響,身邊不少朋友向她詢問移居馬來西亞的事宜,直言已幫了十多名友人,當中有圈中人,但她很口密拒透露對方身份:「邊個就唔講啦!我啱啱喺馬拉返嚟,本來真係有個朋友想跟我過去走一趟,不過佢臨時去唔到。」她說主要幫朋友介紹樓盤和學校,對於自己恍如變身中介代理,她笑說幫朋友不收分文,又表示:「去我間餐廳請番我食飯就得喇,生意難做呀!」

心郁諗過轉行

問到會否認真考慮轉行做移民中介代理?她直認有想過:「有諗過變成生意(口架)!但要好多時間,諗吓先。因為我識馬拉朋友係做發展商,搵我嘅朋友有啲想投資,有啲想要第二家園,有啲諗小朋友讀書問題,我會因應佢哋唔同需要幫佢哋揀啲好地方,不過幫朋友好大壓力,我通常會介紹啲可信嘅人畀佢哋,等佢哋直接聯絡,我就唔再跟進。」

她指朋友的問題大多很有趣:「因為馬拉好多不同人種居住,包括華人、馬拉人、外國人同韓國人,唔知點解朋友偏向揀韓國人聚區嘅地區多;有個朋友移民擔心埋屋企啲貓狗,所以問定狗隻過去住適唔適應,好好笑。」