姚子羚再闖情關但求愛得簡單

早前捲入「小三」風波的姚子羚未有被嚇倒,渴望簡單愛情,希望尋覓終身伴侶。近年劇接劇的她透露早前已向無綫請假,希望Reboot身心。

弱質纖纖的姚子羚,分外惹人關注其感情生活,與的士車行太子爺鄭子邦三年情告終後,年中因「床照」而意外揭露與夜場老闆Raymond拍拖,卻捲入「小三」疑雲,後來要作出澄清,並宣告情已逝,再次回復單身。近年被無綫力捧的她,事業上不斷突破,感情卻抱着「佛系」隨緣態度,沒有刻意尋覓:「結婚生仔每個女人都會諗,但冇得強求!我唔會因為想結婚而去搵個人去結婚,亦唔會因為想生小朋友而去就咁搵個男人去生,係希望同愛嘅人有個完整家庭。」

放大假Reboot身心

雖然情路幾經波折,但子羚也未有被嚇怕,現年38歲的她直言現時搵對象會以終身伴侶為目標,希望白頭到老:「我會覺得做人係要付出真心,如果每識一個人都抱住懷疑,呢段關係一定好辛苦,對方亦都可能唔係同你同步嘅人,喺埋一齊自然要互相信任!我姚子羚好簡單,只係渴望一段好簡單嘅感情。」不過,近年工作上忙個不停,加上又要花心力處理感情問題,故她早前向公司申請放假休息,讓身心重新Reboot。

讚譚俊彥喊功超班

此外,子羚在劇集《包青天再起風雲》中與譚俊彥有段淒美故事,讚對方是無綫數一數二喊得的男演員,淚水源源不絕:「我細個係點都唔會喊,反而人大咗識得釋放自己,開心就笑,唔開心就喊,所以拍戲一入咗戲就好自然喊到。」

服裝:EMODA@ITHK

場地:ToGather PartyHouse