唔使壯陽黎諾懿奇招湊「好」字

藝人黎諾懿昨日為新綜藝節目做主持及進行首集錄影，對於被拍到睇中醫及拜神，用盡奇招追女，他說：「人工去造B女就一定唔會，所以睇吓有冇其他方法令個女誕生。」他稱現時試食中藥，郭晉安就教他吃牛肉，令人體多酸性，但奈何他不吃牛。可有傳授艾灸壯陽？他強調：「陽方面我就冇問題嘅，都係有心有力，係身體弱啲，但就唔使壯嘅。（進補？）進補唔得，進補就變生仔，我要搞差自己，即要多酸性。（為咗生女食牛？）咁又唔會，之前都講過去完馬來西亞拍嘢後，可能食蝦同榴槤太多，身體尿酸高咗，咁酸度高，即身體代表差差哋。」可會要太太「雪卵」？他說：「唔使嘛，如果咁同老婆提出，我怕返唔到屋企，以為我身體有乜事。」