楊怡繼續停工造人 羅仲謙唔使戒色
藝人羅仲謙及張秀文昨日到九龍塘為無綫新劇《木棘證人》拍攝，講述二人拍拖十年，但秀文意圖出軌暗交富二代，向謙仔「派綠帽」！
謙仔稱楊怡不會管制他拍親熱戲，但婚後的確未有合適劇本要跟人親熱，又表示下半年會在港工作，而老婆則暫時停工，兩人會繼續努力造人，但不會有太大壓力。
秀文則坦言與謙仔很少親熱戲：「都拍咗十年，但好似有一場蜻蜓點水嘅咀戲。（怕唔怕謙仔老婆楊怡問罪？）哈哈！應該唔會，個程度未至於要扭耳仔，佢同張曦雯仲多對手戲。」問會否跟角色一樣，下任男友揀富二代？她笑說：「唔使好有錢，有一技之長就得，我都幾大女人，要有啲嘢令我好仰慕佢，煮飯叻都得。」