藝人謝雪心昨午出席慈善活動時透露，花數月時間與慈善團體合作：「長者或年輕病患者都可能出現喉嚨硬化嘅吞咽問題，日日食流質好悶，我哋研究緊啲流心食物，好似葡國雞咁。」她坦言父親在世時亦有此問題：「當時我唔了解，淨係知佢食飯要放杯水喺度，原來係食食吓飯佢喉嚨出現老化症狀。（你負責煮流心食物？）我負責試食，同埋請長者食。」早前她聯同劉佩玥拍攝有關兩代交流節目，她被安排跳K-POP及學韓文，大感新鮮好玩。
