張可頤新劇開鑼爆喊鬧交

張可頤與謝君豪鬧交，聲嘶力竭。

請前夫捧場

謝君豪和張可頤昨日綵排一場嗌交戲，可頤邊鬧邊喊相當費勁，她指排練過多次，加上劇本寫得好，演得很順暢，不用逼眼淚出來。君豪則稱總綵排後相隔2小時便上台見觀眾，笑言：「要去瞓一瞓先！瞓15分鐘就夠，叉一叉電，就可以演一場。」可頤笑他：「係呀，你休息吓，一陣你唔記得台詞我幫唔到你。」

劇中以爆炸頭示人的江美儀，稱故事背景為70年代，故和劇組構思這個爆炸頭，後來髮型師物色到這個假髮：「好方便，個假髮一笠落去就得，唔使兩分鐘。」而其中一場戲她要向新演員邱福永連摑多巴，問到正式演出可會摑得更大力？她笑說：「力度應該同頭先差唔多，但摑幾多巴就唔定嘅。」她摑人外，亦有被摑，故後台備有冰塊給大家冰敷，她笑言：「咁我隻手都打到痛嘅！」問到可有請前夫吳君祥捧場？她說：「有叫佢嚟，但佢喺北京做嘢應該嚟唔到。」

江美儀連摑邱福永多巴，最終亦被摑。	放大圖片	張之珏率領眾演員拜神。