賣豬手入不敷支 筱靖籌錢交租
前亞姐筱靖於銅鑼灣開設「樓上舖」德國餐廳，昨日受訪大呻受遊行影響，生意急跌八成，正煩惱籌錢交租：「啱啱同業主傾咗，只係畀我遲交一星期租金！」由於餐廳位於銅鑼灣遊行熱點，過去一個月只做到20多萬元生意，難怪她大叫慘情：「呢段時間生意慘淡，遊行示威同暴力衝擊，令到好多員工返工都擔心，我惟有叫佢哋早啲收，自己主持大局。」
遊行影響生意大跌，筱靖以過去一個月為例，餐廳開一日便要關兩日，整條街的舖頭全部都落閘：「就算我哋開門都冇客喇！試過全晚冇客，但租金又貴喎，12萬一個月呀！人工都要20萬，加埋燈油火蠟，冇50萬都營運唔到，好景就話有90萬生意額，但今時唔同往日。（冇客啲食物咪嘥晒？）我哋主要賣豬手，好彩可以急凍住，但我哋都盡量唔入貨，我仲有大圍一間分店，食物兩邊共用，唔使咁浪費！」