冇錢買尿片焗開工方皓玟拒追B膠紙封肚
方皓玟與台灣歌手張芸京等，昨晚於尖沙咀Mira Place中庭出席「Gimme LiVe音樂節」，方皓玟壓軸出場，全場High爆，她說：「算係生完BB後做比較完整嘅騷，嚟緊工作會重回正軌，例如9月出黑膠碟，11月會有一個大型演唱會。（唔捨得BB？）如果唔捨得，佢就冇錢買尿片。」
下嫁日籍老公的她透露，兒子現時14個月大，樣子似女仔，家人分別用普通話、英語、廣東話及日語與BB溝通：「所以大家好期待佢第一句說話會講咩語言，佢都幾鍾意音樂，成日要我哋開平板電腦播歌。因為照顧佢，我反而早咗起身，多咗時間用，可以去跑吓步咁。（再追多個？）應該唔會，搵兩卷封箱膠紙封住個肚先，因為照顧一個小朋友實在太花心力，唔想錯過佢每一個成長階段。」
張芸京來港探「親」
至於張芸京表示約6年沒來港：「上一張專輯推出已是3年前，再之前亦休息了4年。（懶惰？）不是，因為現在出專輯是大事情，要找對方向及面對競爭壓力。（今次在港留多久？）一星期，順便探親。（很多親戚在港？）沒有，歌迷是我的親戚，有些追隨了我10年，剛才發現有老面孔，覺得自己虧欠了他們，很久沒來港與他們相聚了。」
