陶大宇霸氣大佬殺入上海

藝人陶大宇在ViuTV劇集《詭探前傳》中演繹「鬼成」一角相當成功，超強殺氣的社團大佬造型，成為其新標記！其新形象被內地網絡電影看中，力邀再演社團大佬。日前大宇在上海開工，一身型爆西裝現身，曾與影片導演合作的他說：「導演有留意我演『鬼成』，好鍾意我嘅演繹，預我客串玩吓。（個角色同『鬼成』嘅造型有分別？）有，『鬼成』係80年代角色，西裝懷舊啲，仲多個太陽眼鏡。而今次演嘅係現代大佬，潮啲囉！」大宇更以私伙西裝上陣，直言着自己衫演出更自然。