古巨基揭祖兒 醉攬屎塔嗌好玩

祖兒共19場的《PRETTY CRAZY演唱會》昨晚終圓滿結束，而前晚的嘉賓被她形容為「好濕又特別專一」的古巨基：「佢同老婆一齊，就見到佢不停掃老婆背脊，好似同細路仔掃風一樣。」兩人合唱《愛得太遲》後，基仔問祖兒是否要摸摸他手汗多到濕晒的手，祖兒卻口快快問：「你嗰支嘢咩嚟？」基仔答：「我支嘢又黑鼆鼆，又毛鬙鬙。」以為講「三級嘢」，原來是指其羽毛球柄的毛巾咪套，並說因手汗大，近幾年整壞了無數支、每支價值8萬多元的咪！

眾目睽睽捽老婆

祖兒則指歌迷很關心他「造人」問題，基仔反駁：「你有經驗咩？我以為你有經驗要過畀我。」祖兒即說：「我想話講緊個時間呀！我都就嚟唔得啦，你好快啲！」其後基仔斗膽擺太太Lorraine上枱，指祖兒腰圍22吋，太太的大髀圍則是22吋！祖兒笑言：「摸佢大髀咪得囉，你眾目睽睽下都慣咗係咁捽，捽神燈咁！」

古巨基大爆祖兒醉酒攬坐廁的瘀事，祖兒笑到坐喺地！

祖兒率領團隊為尾場進行拜神儀式。

之後基仔再爆祖兒一樁醉酒瘀事，指祖兒有次參加完朋友的生日，醉酒後到他家中作客：「你第一件事坐喺地下，跟住向天不停發功，我以為你整整吓成個人可以飛起，哈哈哈……」祖兒聞言笑到跪在地上，基仔再說：「跟住你入咗廁所，Mani（經理人霍汶希）不停敲門，但你冇反應，開門後見到你攬住個屎塔呀！你仲話：『基仔，我發誓呢度係我嚟過最好玩嘅地方！』我唔知個坐廁咁好玩o架，早知我都玩吓啦！」

考慮公開私藏影片

祖兒已笑到瞓地：「我只係記得基仔不停塞我食嘢。」基仔突然問觀眾：「想問吓各位想唔想睇片？其實我有當晚條片。我唔會出賣朋友，但如果Fans想睇可以考慮。」即時群情洶湧，有Fans更提供手機作放片之用。

另外，昨日祖兒率領團隊在後台進行尾場拜神儀式，表現超High，高舉拳頭不停原地跳，和團隊大叫「Good Show」。