李美琪消脂目標22吋腰

藝人李美琪前晚現身電影《白宮淪陷3：天使淪陷》首映，透露早前去台灣浸溫泉及工作。清減不少的她解釋因心情不佳，加上天氣悶熱影響胃口：「雖然體重冇變，但脂肪比例低咗，大髀同腰圍都減咗。（想瘦幾多？）體重唔重要，想吋數減少。依家條腰24.5吋，想減到22吋，但好難，可能要跟健身教練先得。」
李美琪最近胃口差，身形明顯比之前纖瘦。
李美琪最近胃口差，身形明顯比之前纖瘦。

同場的劉倬琦穿低胸裝上陣，造型性感，她笑說：「天氣咁熱，唔係有咩咁性感，我以前都係咁着。」談到近期工作，她透露正在籌備電影，而最近有人邀她合作節目：「關於香港歷史，要做好多資料搜集，係同內地電視台合作。我想做啲資訊性嘅嘢，用歷史講畀年輕一代知以前係幾艱難，依家身在福中不知福。」

劉倬琦低胸消暑。
  • 劉倬琦低胸消暑。