石詠莉踢滋事者出歌迷會
歌手石詠莉昨日到電台宣傳，提到被一位女粉絲在網上以粗口辱罵，老公鄧健泓即代她發聲，她說：「我好尊重同珍惜每個支持力量，就算對方態度唔好都好包容，但最近老公Post咗一段我畀人用粗口鬧嘅嘢，說話都幾過分。呢個人纏擾咗我一段時間，會用粗口講難堪說話，同埋鬧其他Fans。」
由於對方行動升級，她終於頂唔順：「佢煽動另一個Fans去攻擊其他人，覺得事態嚴重，老公亦想佢唔好再蝦我，所以就將佢踢出我啱啱成立嘅歌迷會，佢之後都有同我道歉。」問可有影響心情？她說：「咁又冇，其實人哋攻擊完，我都唔會Fight Back。」