角度的重要性！李美琪向網紅偷師

藝人李美琪（Monnie）早前到台灣工作，趁機歎世界，她說：「今次去咗5日，喺廣告客戶嘅溫泉酒店試玩，同埋出席一個活動，同行仲有日本、韓國、內地等多個地方嘅網紅，識咗好多靚女，仲做咗好朋友添！」她笑言從網紅身上學懂不少影相秘笈：「佢哋好犀利，可以一秒一個Pose，同埋好了解自己身形同面形邊個角度最靚，真係要好好學習！」
李美琪落力Chok甫晒腿，似乎真係學到嘢喎！
李美琪落力Chok甫晒腿，似乎真係學到嘢喎！

此行全程陽光普照，Monnie自覺非常幸運，問有否搽足防曬？她說：「我去嗰陣真係好熱，每日都36至38度，我又大汗，出街一分鐘已經爆汗，搽幾多防曬都冇用，所以由最初一日搽幾次，到最後出街前搽一次就算，好彩返嚟啲朋友都話我冇乜曬黑。」

李美琪在台灣寓工作於娛樂，非常寫意。
  • 李美琪在台灣寓工作於娛樂，非常寫意。