衛詩雅唔敢再拍鬼片

衛詩雅與林德信昨午到深水埗宣傳新片《雙魂》，詩雅坦言拍攝途中「撞鬼」，短期內不會再接拍同類電影：「我本身算大膽，但拍完套戲返香港兩、三個月，感覺都仲好唔舒服。戲中有個道具洋娃娃，我曾經想帶佢返香港，但跟場嘅茅山師傅話佢裏面有啲『奇怪嘢』，所以作罷，點知今日嚟到現場，先知劇組帶咗佢返嚟。（覺得同早幾日身體突然出現過敏有關？）唔敢諗，不過嗰日唔舒服前落過街燒衣，依家想搵醫生做敏感測試。」