林欣彤患情緒病食都要人餵！
歌手林欣彤近年飽受情緒病影響，曾病到不能自行進食，要家人協助，更試過兩度失聲而取消個唱。她未有因此被打倒，堅信一切是上天給她的試煉，故必須堅強走下去。
林欣彤（Mag）2010年參加無綫歌唱節目《超級巨聲2》奪冠入行，當大家以為她星途璀璨之際，她卻不堪壓力患情緒病及失聲，陷入事業低潮。她接受東網節目《娛場》主持李文珊訪問時，大談箇中原因：「當時嘅失聲唔係因為聲帶有事，係受情緒、壓力引致。最大嘅原因係當時嫲嫲中風、患老人癡呆，我問自己，係咪因為自己去追夢，搞到冇時間照顧佢？我覺得我有負於佢。」
「苦難係上天畀嘅試煉」
當最壞的情況過去後，Mag去年終於等到開演唱會的機會，但臨開騷卻再度失聲，原來之前的情緒未解決，因而令她進退失據，她憶述：「當時諗，無論情況點都要撐落去，起碼撐埋個演唱會先，但身體好痛，我拎唔起餐具，連食嘢都要家人同朋友餵，原來我一直冇正視過自己問題。」經歷過壞與更壞，Mag學懂接納自己並堅強起來：「可以失望，但唔好絕望，因為我相信每個苦難都係上天睇得起你先畀你。」
