個唱玩性感？菊梓喬：掹低啲件衫

歌手菊梓喬（Hana）前晚為即將舉行的演唱會進行綵排，即場唱出歌曲《但願人長久》及《一輩子守候》，她直言對處女個唱非常緊張，很多事要擔心，最重要是保持健康，自爆一日食廿多粒維他命丸，但透露最近成功增十多磅，又搞笑自創詞語「淋啤弛」來形容自己，並說：「本身太虛弱，喺台度都企唔穩，所以要增肌先捱到全場！（歌衫準備好未？）係大大舊、好巨型嘅衫，比較華麗feel。（有冇性感？）我都想，如果反應好，我就掹低啲件衫，掹高啲條裙，不過Fans係鍾意我把聲。（有跳舞？）Rundown出咗，好多嘢睇，有六分鐘舞，我本身完全唔識跳舞，依家跳到個人企唔直，下半身有啲麻痹！」她又透露兩晚騷會有三位嘉賓，其中包括靚仔又唱得之人！