陳山聰低調簽字接新娘慳番

陳山聰原本打算九月入紙排期註冊才公開喜事，卻被本報獨家率先踢爆。心情大佳的他昨午現身西貢，為主演新劇《大步走》首日開工，身邊拍檔兼好友姚子羚也戥他高興。談到婚訊的籌備工夫，山聰說：「始終佢（未婚妻Apple）唔係圈中人想低調，最緊要係簽個字啫，冇兄弟、姊妹團，亦都唔會接新娘，簡簡單單同屋企人及朋友食餐飯，開心一晚囉。（預算擺幾圍？）10圍、8圍，唔想驚動太多人。（婚照？）影咗，不過我要求高，慢工出細貨，依家唔畀大家睇住。」

說到求婚經過，山聰直言毫不浪漫：「佢去年生日求嘅，不過當時大家已有共識，覺得係時候。本來《大》劇十月就煞科，點知拍攝期延後，我同監製商量，佢話我都係請一、兩日假，影響唔大。」山聰被指「發B寒」，當被問到婚後是否全力造人，他靦覥謂：「睇吓有冇時間，同埋都要睇個天，盡量啦。」

初做男一別具意義

山聰感恩遇上Apple，難得彼此志趣相投：「大家都鍾意周圍搵嘢食，佢又好識照顧人，放假煲湯畀我飲，連我身邊人都有份。」他坦言拍拖五年以來，每日都相當難忘，而Apple善解人意，給予山聰足夠空間，是位相當貼心的女生。而山聰主演的劇集《金宵大廈》將於九月十六日首播，可謂雙喜臨門，他直言：「叫做係人生第一個幾重要角色，多謝監製畀個咁好嘅機會我。」