蔡一傑單飛騷禁隊友踩場
歌手蔡一傑昨日到電台宣傳新歌《獨行派對》，坦言單身一樣過得精彩：「我都係獨行俠，一個人游水、睇戲、買餸煮飯、打邊爐、燒嘢食！」又指獨個兒去旅行最好，因不用等人，自由度好大。
講到新歌請得恭碩良打鼓外，傑仔表示今次是入行30多年來，首次挑戰在早上錄音：「嗰日8點就起身開聲，都係個人新嘗試。」問到10月的「單飛」音樂會可會邀草蜢兩位成員做嘉賓？他坦言想一個人擁有整個舞台：「會請佢哋嚟睇。（唔畀佢哋上台？）盡量想呈現自己多啲，所以唔會唱草蜢啲歌，一啲草蜢嘅嘢都唔會有！」亦不會跳舞及着珠片衫，只從音樂出發，務求令歌迷看到不一樣的他。