伍允龍地窖招呼王君馨
藝人伍允龍、王君馨、劉佩玥及劉穎鏇等前晚到將軍澳電視城錄影節目《娛樂大家》，伍允龍與王君馨拍攝完劇集《唐人街》已經數月沒見面，兩人一見面即「過招」，十分老友，君馨指曾想過與老公到美國芝加哥探望他，他笑說：「我已經準備咗個basement畀你哋住。」君馨又自爆會與老公一起欣賞俊男美女，但品評得太投入也會惹老公妒忌：「之前見到一個健美先生又大隻又靚仔，讚讚吓佢遮住我對眼唔畀我睇。」
劉佩玥近日不避嫌上載與緋聞男友周志文為動畫主題曲《A Whole New World》深情對唱的片段，她否認為認愛鋪路：「我冇公開咩戀情，只係公開咗條片，條片係好耐之前拍嘅，因為最近開始放啲片上網，網民話想聽我唱歌，就揀咗呢條片。」 問到兩人發展的機會？她說：「又唔會話冇機會，佢係好好嘅男仔，同佢傳咗咁耐都好開心，唔使輪流傳唔同嘅人，之後再算，專心工作。」
