姚子羚「斷捨離」豪送二手Bra
無綫藝員陳山聰、姚子羚、劉穎鏇與陳自瑤等，昨日為新劇《大步走》拜神，山聰飾演子羚的跑步教練，最開心是開工不用化妝Set頭，相當舒服。劇中劉穎鏇更會飾演其女兒，他說：「今次需要極大嘅體力勞動，都有啲驚子羚曬唔慣。」子羚說：「之前去加拿大跑5K，最初都吃力，慢慢適應。之前拍《唐人街》先打完，唔知係咪公司覺得我適合做啲辛苦工作呢！」山聰即笑指公司知道她捱得。
山聰掉錯嘢捱鬧
熱愛跑步的山聰表示，很開心公司開拍跑步題材的劇集，故事更會分享對感情及家庭的「斷捨離」訊息，他說：「睇咗啲有關斷捨離嘅書，都睇吓屋企有咩無謂嘢可以掉，掉咗女友兩樽藥膏就畀佢鬧到死！我會清理杯碟，同埋捐啲舊衫去做慈善。」至於子羚則說：「我一係唔掉，一掉就好狠，屋企有兩樣嘢多，除咗成屋都係鞋，仲有幾十個Bra，但來來去去款式都差唔多，只係有時同一個系列會買唔同顏色，工人姐姐話要，都畀咗啲Bra佢攞返鄉下。」
