七月十四排舞天堂鳥撞邪

男子跳唱組合BOP天堂鳥昨日到新城電台宣傳新歌《重新》，他們表示感覺重回初出道到電台宣傳一樣，見到不少好友。正值新歌宣傳期又要準備年底的演唱會，三子指每日都忙於排舞，9月才正式地獄式訓練，自爆練舞期間發生靈異事件：「每晚排舞都排到好夜，前日冇留意係農曆七月十四，跳跳吓舞去到中段嗰陣，啲音樂突然跳針，又快又慢，當下就知咩事，但都跳埋成首歌先走。（要畀『人』睇埋先？）係呀，哈哈！（到時你哋演唱會實『全院滿座』！）承你貴言。（之後有冇去拜拜？）有，一落樓下就見到好多人燒街衣。」