為食兵團狂掃街 鄺潔楹日食7餐
糖妹、黃美棋及鄺潔楹（Judy）在無綫新節目《香港美食一條街》中化身為食女神，穿梭全港各區，以掃街式搜尋人氣長龍店及隱蔽小舖，突擊捕獲各式各樣美食，三人更為觀眾提供一系列的「搵食捷徑」，輕鬆品嘗全港美食！
Judy表示拍攝期間每日不停食，最高紀錄一日食足七餐：「開頭知道有得拍飲食節目好開心，因為我最鍾意食嘢，但拍嘅時間唔係咁輕鬆，一日至少食五間餐廳，最多仲食七餐，不過我哋三個女仔第一次合作，好開心，一Roll機係超嘈，導演都話好難剪片，疊晒聲，但氣氛係好歡樂。」
三人的身形都是超細粒，拍埋一齊效果萌爆，亦是節目另一亮點，Judy笑言三女沒有比較誰最高：「其實都差唔多，係爭3至4cm，冇咩好比，邊個最高就大家判斷啦！」