浸浴休克嚇親老公 石詠莉：沖涼咪瞓覺
歌手石詠莉昨日到新城電台宣傳新碟《Nostalgia》，興奮表示想不到新碟在馬來西亞及加拿大成績不俗：「好感恩！諗住廣東歌淨係Focus喺香港市場，好想去當地宣傳同開音樂會。」
早前她被老公鄧健泓大爆浸浴期間休克出事，石詠莉大派定心丸，指現時身體並冇大礙：「今次係因禍得福，依家識有個叫過度換氣綜合症，吸入過量嘅氧氣，會全身抽搐，但冇生命危險，慢慢咁呼吸就冇事，但要忍受全身抽筋時會痛，呢次係自己大意，浸得太耐又瞓着咗。」
她又透露剛接下一個以靈異為題材的舞台劇：「諗咗好耐接唔接，之前做舞台劇，有啲驚嘅經歷。（第一次做靈異題材？）係呀，有聽過好多都市傳說。（接受做殭屍？）咁就真係要豁出去，化醜妝我OK，跳出自己框框先有意思。」又自嘲不是靚女，可以趁有機會殺出血路。