祥嫂長眠永祥苑荔枝樹下

祥嫂於7月2日因肺癌離世，享年74歲，喪禮已於上月11日完成，並按其意願進行火化。好友黃夏蕙指祥嫂生前曾說過，永祥苑有很多她與先夫的回憶，希望能葬於故居荔枝樹下，與祥哥永遠在一起。四位子女兆尊、兆榮、翠玉（前稱：小艾）及碧玉等，昨晨先後抵達永祥苑，為亡母舉行安葬儀式。翠玉率先抵達，而兆尊「大婆」Carmen、兆榮太太及親友亦相繼到場。

再種新樹好遮蔭

約11時許，穿上休閒服的兆尊和翠玉步出大閘受訪，兆尊說：「係有個入土儀式，之前因為落雨停咗幾日工。（會有乜嘢儀式？）冇乜特別，有殯儀師傅幫手跟住個流程，但唔會立墓碑。」談到祥嫂遺願葬於故居荔枝樹下，兆尊即指着位於花園中間的荔枝樹說：「佢揀咗呢棵，但搵人睇咗麻麻哋，太曬，埋啲好啲，有花花草草，之後會喺個位再種番一棵荔枝樹。」之後兩兄妹合十，然後返回大宅，記者欲入內拍攝，翠玉說：「私人事，唔方便。」

祥嫂如願安葬於故居永祥苑的荔枝樹下。	兆尊與翠玉為祥嫂舉行安葬儀式。	翠玉

拒答賣唔賣大宅

一小時後，一名殯儀師傅於大宅門外進行儀式，兆尊、翠玉亦有出來視察整個過程，之後再返回屋內。完成儀式後，兆尊接受電話訪問，表示原本的荔枝樹下以及現時下葬的位置，都是祥嫂生前所揀，只是後者比較好。問到有沒有具紀念價值的陪葬品？他說：「少少啦，都係啲普通嘢。（祥嫂點解唔揀同祥哥合葬將軍澳華人永遠墳場？）咁你要問番佢！（會否將爸爸的靈位搬到永祥苑？）唔會，要搞好多嘢，唔係咁簡單。」

碧玉與兆榮先後到場。	殯儀師傅在大宅門外進行儀式，之後兆尊上香參拜。	放大圖片

元朗永祥苑獨立屋，大宅連花園及泳池總面積達三萬呎，祥嫂安葬此處，是否意味子女已決定不會賣掉該屋？兆尊說：「呢個唔係討論嘅話題，冇人知將來會點，係咪？呢啲私人問題唔答。（15億遺產分配情況？）唔會回應。」

故居入土鞏固家庭

祥嫂安葬於永祥苑花園，入土為安，堪輿學家陳子才指先人骨灰安葬在家中花園，對後人絕對沒有影響及不吉利，他說：「都係葬番自己間屋，係自己土地的話，絕對冇問題，咁做仲可以鞏固家庭關係，因為啲仔女都要返嚟打理。」

現時是農曆七月，問到在鬼門關大開舉行安葬儀式，會否不吉利？他說：「其實佢已經係往生嘅人，同陽間已經冇關係，所以唔會唔吉利嘅。」