祖兒做奶媽餵飽歌迷
天后容祖兒的演唱會前晚第十場有樂隊Dear Jane（DJ）做嘉賓，她形容大家是一見如故，一拍即合，第一次合作，由DJ的Howie為她作曲的《心之科學》大受歡迎。年初DJ開騷時，她主動表示要做嘉賓支持：「嗰日我見你幾個有嘢又唔講，個口含住包嘢咁，知道你哋開騷就心照啦，我咪主動講囉！」又約定再合作。
每晚祖兒坐高空飛船升上山頂與粉絲唱歌，歌迷已早有準備，寫定大字報表示要唱歌，又有歌迷頭戴搞笑蟹帽博偶像見到，甚至有日籍歌迷爭住唱埋一份，最搞笑祖兒見到一位來自英國的歌迷即問：「Hello Do you love me？」對方即答「Forever！」氹到她開心說：「你哋係iPhone，我就係『奶媽』，幫你哋叉滿電，但其實歌迷先真正係我『奶媽』，每晚幫我注入無窮無盡力量。」日前她在台上發生小意外，勁歌熱舞時被人工智能咪高峰撞瘀耳仔。
