胡定欣爆波嚇到整損手

胡定欣玩遊戲時一臉驚慌。

譚俊彥、曹永廉、胡定欣、姚子羚和傅嘉莉等，昨日到商場宣傳無綫劇《包青天再起風雲》，眾星與小朋友分組比賽，定欣與傅嘉莉胸前分別藏有氣球，於限定時間回答問題，未能回答會被泵脹氣球，最終定欣的氣球爆破，嚇得呱呱大叫！事後她承認嚇親，混亂間弄傷左手前臂：「有得揀我揀唔玩，不過都要諗計點宣傳。」又自爆拍《包》劇時唔錫身，親身上陣拍於沙漠高處滾下的戲份，另一場策騎戲則因韁繩斷掉而撻落地，幸沒有大礙。

而譚俊彥笑言女兒情傾一位小演員，問到是否已為囡囡揀男友？他說：「會培養佢睇靚仔，如果佢暗戀張振朗我會驚，之前拍戲佢打嚟唔係搵我，係搵佢，所以我唔會畀佢哋見，仲有何廣沛都係。」

黃子恆患驚恐症

至於黃子恆日前在社交網自爆健康出問題，他坦言：「我有驚恐症，久唔久抖唔到氣、頭暈同標冷汗，醫生話冇藥物根治，只係畀抗抑鬱藥同鎮靜劑。（走唔出上次女粉絲事件嘅陰霾？）係會有影響。（停工？）上年2、3月開始出現休克同頭暈，拍《機場特警》又試過起唔到身，但第二日又冇事，但當時冇去正視，依家睇醫生同藥物控制，所以唔會影響工作。」

爆波一刻，胡定欣嚇到呱呱叫。	胡定欣笑言混亂間整損手。	譚俊彥（右）最驚女兒暗戀張振朗。
黃子恆