樂壇組合天堂鳥（BOP）昨午接受電台訪問，宣傳新歌《重生》，他們形容歌詞非常貼切：「講晒我哋出道5年嘅心路歷程，勾起好多畫面。」早前他們到內地拍攝MV時遇上打風：「好彩拍完見到彩虹。食第一餐已經係下晝四點，基本上超過30小時冇瞓過，完成後上車離開即瞓。」
成員Lincoln說：「我有赤裸上半身嘅鏡頭，導演遲遲未拍，所以到其他成員食嘢嘅時候，我只可以望住佢哋食！」三子表示近日欣賞容祖兒演唱會偷師：「好鍾意佢同歌迷互動，嚟緊我哋開騷都想咁。」
