張家輝「拚命三郎」小齊打到痛

影帝張家輝與任賢齊相隔15年再合作，於新片《沉默的證人》內敵對，連場打戲後惺惺相惜，小齊大爆當年家輝已是「拚命三郎」，棄用替身拍撞車戲：「當時拍杜琪峯嘅《大事件》，我話個替身身手咁好嘅？今次家輝仲犀利，Ending場戲打『爛仔交』，堅打仲要伸腳踢佢，打佢打到自己都覺得痛，連導演都話Perfect，點知家輝要求再嚟過，當然再嚟效果好勁，拳拳到肉。」家輝笑言「唔係傻」﹕「撞傷、擦損一定有，但我有把握應付到先做，都有落墊嘅，有工作人員同我講：『呢啲嘢依家冇人做啦，得你做咋！』」