關智斌捱病入院

藝人關智斌（Kenny）、顏卓靈及男友白只等，昨日出席新片《任性的你》開鏡。近日忙拍戲及綵排演唱會的Kenny，自爆日前身體不適往醫院求診：「嗰日喺屋企暈暈哋又胃痛，食咗粒藥以為冇事，點知瞓醒企唔穩。同事送我去醫院，證實我血糖同血壓過低，好彩打咗支針冇事，可以離開。」提到演唱會昨日開售，反應理想，他說：「我有同同事一齊撳飛，全公司撳得十幾張，我屋企人加朋友要成300張飛，惟有叫公司同事幫我搞掂。」