《唐人街》成遺作 君馨感激窩心照顧

無綫對梁舜燕逝世深表惋惜，並承諾提供協助，高層樂易玲及曾勵珍昨日亦分別聯絡其家人慰問。梁舜燕加入無綫以來參演過不少劇集，今年5月才拍竣的《唐人街》成為其遺作，同劇的王君馨、陳展鵬及陳山聰均感難過，君馨大讚梁舜燕專業，準時返工兼冇脾氣：「無論拍到幾夜都會講聲『辛苦晒你哋』，很關心我們每一個，好窩心。」陳展鵬則大讚梁舜燕敬業，即使聽覺有少許問題，但記性卻相當之好，從不NG：「佢去咗一個快樂開心嘅地方，之前佢有提過喺屋企突然暈一暈跌親，之後又冇事，當時都有叫佢小心啲，開工時都盡量度時間畀佢早啲返去休息。今年佢90歲，係一個好長壽嘅年紀，我哋所有人都會懷念佢，同記住佢畀我哋嘅歡樂。」